Qazirgi ýaqytta QR ekologiia, geologiia jáne tabiǵi resýrstar, indýstriia jáne infraqurylymdyq damý ministrlikteri kabel-sym ónimderine ýtilizatsiialyq alym alý merzimin 2023 jylǵy 1 qańtarǵa deiin shegerý boiynsha jumys júrgizýde. Bul týraly QR ekologiia, geologiia jáne tabiǵi resýrstar ministri Serikqali Brekeshev málim etti, dep habarlaidy "Ult aqparat" primeminister.kz saityna silteme jasap.
Memleket basshysy Q. Toqaevtyń ýtilizatsiialyq alym alýmen memlekettik uiym ainalysýy tiis degen tapsyrmasyn oryndaý úshin Úkimet tiisti qaýly qabyldady. Osy qaýlymen «ÓKM Operatory» JShS-nyń jarǵylyq kapitalyna júz paiyz qatysý úlesi memleket menshigine qabyldanǵany aiqyndaldy.
Ministr habarlaǵandai, óndirýshilerdiń (importtaýshylardyń) keńeitilgen mindettemeleriniń jańa operatory retinde memlekettiń 100% qatysýymen «Jasyl Damý» AQ anyqtaldy. Jarǵylyq kapitalda AQ-nyń basqa menshik ieleri joq.
Ýtilizatsiialyq alym mólsherlemelerin qaita qaraý úshin Vedomstvoaralyq jumys toby quryldy, oǵan jurtshylyq, biznes jáne múddeli memlekettik organdardyń ókilderi kirdi.
«27 qańtarda kabel-sym ónimderine ýtilizatsiialyq alym mólsherlemelerin (koeffitsientterin) qaita qaraý máselesi talqylandy. Jumys tobynyń músheleri qazirgi ýaqytta QR ekologiia, geologiia jáne tabiǵi resýrstar, indýstriia jáne infraqurylymdyq damý ministrlikteri kabel-sym ónimderine ýtilizatsiialyq alym alý merzimin 2023 jylǵy 1 qańtarǵa deiin shegerý boiynsha jumys júrgizip jatqanyn habarlady», – dedi S. Brekeshev. Bul sheshim kabel-sym ónimderin importtaýshylarmen jáne óndirýshilermen talqylaý kezinde qabyldandy.
« Atameken» UKP qorytyndysynda ýtilizatsiialyq tólemdi yntalandyrý erejeleri men esepteý ádistemesine túzetýler usynyldy.
Ekologiia ministrligi tiisti buiryq jobasyn ázirledi, ol memlekettik organdarmen kelisilý satysynda.
