Foto: ashyq derekkóz
Tursynbek Qabatovtyń ekinshi jary Aimannyń múddesin qorǵaityn advokat áleýmettik jelide málimdeme jasady. Bul týraly ol ar-namys pen qadir-qasietti qorǵaý boiynsha sotta qaralyp jatqan is aiasynda jariialady, dep habarlaidy Ult.kz.
Advokattyń sózinshe, sot tártibimen ar-namys, qadir-qasiet pen iskerlik bedeldi qorǵaýǵa qatysty ister qaralýda. Sondai-aq internet keńistiginde shyndyqqa janaspaityn ári qorlaityn málimet taratqan tulǵalardy jaýapkershilikke tartý jumystary júrgizilip jatyr.
Qazirgi tańda atalǵan ister boiynsha úsh is oń nátijemen aiaqtalǵan. Úsh adam Qazaqstan Respýblikasy Ákimshilik quqyq buzýshylyq týraly kodeksiniń 434-baby boiynsha ákimshilik jaýapkershilikke tartylǵan. Azamattyq ister aiasynda moraldyq ziian úshin aqshalai ótemaqy óndirilip, talap-aryzdar QR Azamattyq kodeksiniń 143-baby negizinde qanaǵattandyrylǵan. Budan bólek, taǵy bes is ákimshilik jáne azamattyq óndiris sheńberinde sotta qaralý satysynda tur.
Sonymen qatar advokat anonimdi nemese jalǵan akkaýnttar arqyly jariialanǵan aqparattar boiynsha da avtordyń jeke basyn sot talqylaýy barysynda arnaiy suraý salýlar arqyly (tirkeý jáne tehnikalyq derekter negizinde) anyqtaýǵa bolatynyn atap ótti.
Qorǵaýshynyń aitýynsha, pikir bildirý erkindigi jalǵan aqparat taratýǵa, ar-namys pen qadir-qasietti qorlaýǵa jáne kópshilik aldynda til tigizýge jol bermeidi. Mundai áreketter úshin zańnamada ákimshilik jáne azamattyq-quqyqtyq jaýapkershilik, moraldyq ziiandy óteý, sot shyǵyndaryn óndirý jáne jalǵan málimetti teriske shyǵarý mindeti qarastyrylǵan.
Sondai-aq advokat ar-namys pen qadir-qasietti qorǵaý isi boiynsha jumystyń áli de jalǵasyp jatqanyn jetkizdi.
Qujattar, dálelder men hat-habarlar tirkelip, is materialdaryna qosa berilýde. Osyǵan bailanysty jalǵan aqparat nemese negizsiz pikirler jariialanǵanyna kýá bolǵan azamattardan olardy quqyqtyq baǵalaý úshin joldaýdy surady.
