فوتو: اشىق دەرەككٶز
تۇرسىنبەك قاباتوۆتىڭ ەكٸنشٸ جارى ايماننىڭ مٷددەسٸن قورعايتىن ادۆوكات ەلەۋمەتتٸك جەلٸدە مەلٸمدەمە جاسادى. بۇل تۋرالى ول ار-نامىس پەن قادٸر-قاسيەتتٸ قورعاۋ بويىنشا سوتتا قارالىپ جاتقان ٸس اياسىندا جارييالادى, دەپ حابارلايدى Ult.kz.
ادۆوكاتتىڭ سٶزٸنشە, سوت تەرتٸبٸمەن ار-نامىس, قادٸر-قاسيەت پەن ٸسكەرلٸك بەدەلدٸ قورعاۋعا قاتىستى ٸستەر قارالۋدا. سونداي-اق ينتەرنەت كەڭٸستٸگٸندە شىندىققا جاناسپايتىن ەرٸ قورلايتىن مەلٸمەت تاراتقان تۇلعالاردى جاۋاپكەرشٸلٸككە تارتۋ جۇمىستارى جٷرگٸزٸلٸپ جاتىر.
قازٸرگٸ تاڭدا اتالعان ٸستەر بويىنشا ٷش ٸس وڭ نەتيجەمەن اياقتالعان. ٷش ادام قازاقستان رەسپۋبليكاسى ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 434-بابى بويىنشا ەكٸمشٸلٸك جاۋاپكەرشٸلٸككە تارتىلعان. ازاماتتىق ٸستەر اياسىندا مورالدىق زييان ٷشٸن اقشالاي ٶتەماقى ٶندٸرٸلٸپ, تالاپ-ارىزدار قر ازاماتتىق كودەكسٸنٸڭ 143-بابى نەگٸزٸندە قاناعاتتاندىرىلعان. بۇدان بٶلەك, تاعى بەس ٸس ەكٸمشٸلٸك جەنە ازاماتتىق ٶندٸرٸس شەڭبەرٸندە سوتتا قارالۋ ساتىسىندا تۇر.
سونىمەن قاتار ادۆوكات انونيمدٸ نەمەسە جالعان اككاۋنتتار ارقىلى جارييالانعان اقپاراتتار بويىنشا دا اۆتوردىڭ جەكە باسىن سوت تالقىلاۋى بارىسىندا ارنايى سۇراۋ سالۋلار ارقىلى (تٸركەۋ جەنە تەحنيكالىق دەرەكتەر نەگٸزٸندە) انىقتاۋعا بولاتىنىن اتاپ ٶتتٸ.
قورعاۋشىنىڭ ايتۋىنشا, پٸكٸر بٸلدٸرۋ ەركٸندٸگٸ جالعان اقپارات تاراتۋعا, ار-نامىس پەن قادٸر-قاسيەتتٸ قورلاۋعا جەنە كٶپشٸلٸك الدىندا تٸل تيگٸزۋگە جول بەرمەيدٸ. مۇنداي ەرەكەتتەر ٷشٸن زاڭنامادا ەكٸمشٸلٸك جەنە ازاماتتىق-قۇقىقتىق جاۋاپكەرشٸلٸك, مورالدىق زيياندى ٶتەۋ, سوت شىعىندارىن ٶندٸرۋ جەنە جالعان مەلٸمەتتٸ تەرٸسكە شىعارۋ مٸندەتٸ قاراستىرىلعان.
سونداي-اق ادۆوكات ار-نامىس پەن قادٸر-قاسيەتتٸ قورعاۋ ٸسٸ بويىنشا جۇمىستىڭ ەلٸ دە جالعاسىپ جاتقانىن جەتكٸزدٸ.
قۇجاتتار, دەلەلدەر مەن حات-حابارلار تٸركەلٸپ, ٸس ماتەريالدارىنا قوسا بەرٸلۋدە. وسىعان بايلانىستى جالعان اقپارات نەمەسە نەگٸزسٸز پٸكٸرلەر جارييالانعانىنا كۋە بولعان ازاماتتاردان ولاردى قۇقىقتىق باعالاۋ ٷشٸن جولداۋدى سۇرادى.
