Foto: ál-Farabi atyndaǵy QazUÝ-dyń Baspasóz qyzmeti
Ál-Farabi atyndaǵy Qazaq ulttyq ýniversitetiniń shyǵystaný fakýltetinde Ońtústik Koreianyń Kionsanbýk-do provintsiiasynyń «K-Chang» I halyqaralyq ashyq kitaphanasy filialynyń ashylý saltanaty ótti.
Is-sharaǵa áleýmettik damý jónindegi prorektordyń mindetin atqarýshy Sábit Sýatai, Kionsanbýk-do provintsiiasynyń gýbernatory Li Chol Ý, Aýyl sharýashylyǵy jáne balyq sharýashylyǵy departamentiniń tóraǵasy Shin Hek Van, Kionbýk óner jáne mádeniet qorynyń mádeniet jáne ónerdi damytý jónindegi atqarýshy direktory Choi Djong Sý, «Jańa álem» kompaniiasynyń bas direktory Li Sýng Hi, Ońtústik Koreia Respýblikasynyń Almatydaǵy bas konsýly Pak Ne Chon, konsýl Choi Mýn Hi jáne ýniversitet oqytýshylary men stýdentter qatysty.
Búginde Ál-Farabi atyndaǵy QazUÝ Koreianyń 59 joǵary oqý ornymen tyǵyz bailanys quryp, birlesken jobalardy iske asyryp, akademiialyq utqyrlyq baǵytyn damytýda. Qazirgi ýaqytta shyǵystaný fakýlteti Hankýk shet tilder ýniversiteti, Dýngýk ýniversiteti, Kannyn-Vondjý ýniversitetterimen yntymaqtastyqta jumys isteidi. Seýl ulttyq ýniversitetimen de joǵary deńgeide bailanys ornatylǵan. Kannam ýniversiteti men Pýsan shet tilder ýniversitetimen qos diplom baǵdarlamasy ázirlengen.
Biyl QazUÝ-dyń qurylǵanyna 90 jyl jáne koreitaný bóliminiń ashylǵanyna 30 jyl tolyp otyr. Ońtústikkoreialyq áriptester usynǵan «K-Chang» halyqaralyq ashyq alańyndaǵy kitaphana buryshynda korei tilinde 500 kitap qoiylǵan.
«K-Chang» halyqaralyq ashyq alańyndaǵy kitaphana jobasy bizdiń jan-jaqty bailanystarymyzdyń jemisti nátijesi. Bul shyǵystaný fakýltetiniń, Qiyr Shyǵys kafedrasynyń, koreitaný bóliminiń mamandary men stýdentteri úshin úlken olja», – dep atap ótti áleýmettik damý jónindegi prorektordyń mindetin atqarýshy Sábit Sýatai.
Is-shara aiasynda «K-Chang» jobasynyń tanystyrylymy ótti. Bul barlyq stýdentterge arnalǵan oqý buryshy, onda olar ártúrli taqyryptaǵy kitaptarmen tanysyp, bilimderin tolyqtyra alady. Kionsanbýk-do provintsiiasynyń gýbernatory Li Chol Ý myrza bastaǵan delegatsiianyń jaqsy bastamasy eki el arasyndaǵy dostyq qarym-qatynasty nyǵaita otyryp, ýniversitet basshylyǵynyń qoldaýyna ie boldy.
Qaragóz Serikqyzy,
ál-Farabi atyndaǵy QazUÝ, Baspagerlik, redaktorlyq jáne dizainerlik óner
kafedrasynyń oqytýshysy
