Jýsan Bank pen ATF bank aktsioneri Ǵ.Esenov Jýsan Bank-tiń ATF bank aktsiiasynyń 99,76 paiyzyn satyp alýy týraly aldyn ala kelisimge qol jetkizdi, dep habarlaidy "Ult aqparat".
Qol qoiylǵan kelisim aiasynda 2020 jyldyń qarashasynda taraptar ATF bank aktsiialaryn satyp alý-satý kelisimshartyn jasasýǵa nietti.
«Satyp alý-satý kelisimshartyna qol qoiylǵan soń, sonymen qatar QR Qarjy naryǵyn retteý jáne damytý agenttigi maquldaǵannan keiin, ATF banktiń qazirgi aktsioneri Jýsan Bank-tiń qosymsha emissiiasy aiasynda Jýsan Bank aktsiiasynyń bir bóligin satyp alady.
Satyp alý-satý kelisimsharty jasalǵannan keiin eki bank biryńǵai strategiiasy aiasynda birlesken formatta jumys isteitin bolady.
Qaita qurylymdaý barysynda ATF banktiń barlyq qyzmetteri standartty rejimde jumysyn jalǵastyrady. Bul ATF banktiń qoldanystaǵy barlyq qyzmetterin onyń klientteriniń tolyq kólemde alýyn saqtaýǵa jáne qamtamasyz etýge múmkindik beredi», - dedi Jýsan Bank-tiń baspasóz qyzmetinen.
