Sýret: exk.kz
Jusan Bank Qazaqstanǵa Jusan tobyn baqylaýdy qaitarý nieti týraly Bas prokýratýranyń málimdemesine qatysty pikir bildirdi.
Jusan Bank baspasóz qyzmetiniń málimetinshe, bank ádettegidei jumysyn jalǵastyryp jatyr, klientter aldyndaǵy barlyq mindettemeler oryndalǵan.
"Bank pen onyń negizgi aktsionerleri - Qazaqstan Respýblikasynyń azamattary. Qarjy institýty retteýshiniń jáne ulttyq zańnamanyń barlyq talaptaryn oryndaidy. Sondyqtan Bas prokýratýra Jusan tobyna qatysty is boiynsha aqparattyq habarlamasynda atap ótkendei, Jusan Bank qyzmeti bul talqylaýlardyń nysanasy emes ekenin eskergen jón.
Jusan Bank - eldegi eń iri bankterdiń biri. Qazaqstandaǵy eń iri bankterdiń arasynda kapitaldyń aktivterge shaqqandaǵy kórsetkishi boiynsha 1-orynda jáne menshikti kapitaly boiynsha 3-orynda tur.
Banktiń qazirgi kórsetkishteri prýdentsialdyq normativterinen aitarlyqtai joǵary, bul onyń qarjylyq jaǵdaiy joǵary deńgeide jáne uiymnyń nesie táýekeli tómengi deńgeide ekenin kórsetedi.
Banktiń menshikti kapitaly 542 milliard teńgege teń. Bul rette kapital rezervi 395 milliard teńgege jetedi.
Banktiń keshiktirilgen nesieni jabý rezerviniń deńgeii joǵary, bul qoldanystaǵy qaryzdardy 225 paiyzǵa óteidi.
Banktiń likvidti aktivteri 1,5 trillion teńgege jetedi, bul klientterdiń qoldanystaǵy qarajatyn tolyq kólemde óteidi", - delingen habarlamada.
Vedomstvo málimetinshe, bank belsendi túrde el ekonomikasyn nesielendirip jatyr. 2022 jyly klientterge berilgen nesie kólemi 12 paiyzǵa artqan. Ótken jyly klientterdiń jalpy bazasy 55 paiyzǵa artyp, búginde Qazaqstan boiynsha jeke jáne zańdy tulǵalardyń sany 3 millionǵa jetken.
Jalpy, Bank biznesti júrgizýdiń ashyqtyq qaǵidatyn ustanyp, qazaqstandyqtardyń ómir sapasyn jaqsartýdy jalǵastyra bermek.
"Jusan Bank qyzmetin qalypty rejimde jalǵastyrady, klientter aldyndaǵy barlyq mindet oryndalady", - dep tolyqtyrdy bank baspasóz qyzmeti.
