QR Ulttyq banki qolma-qol aqsha ainalymy departamentiniń direktory Jomart Qajmuratov «Dala qazynasy» seriiasymen shyqqan «JETI QAZYNA» monetalardyń ainalymǵa túsýi týraly túsinikteme berdi, dep habarlaidy "Ult aqparat".
Onyń aitýynsha, «Dala qazynasy» seriiasymen shyqqan «JETI QAZYNA» monetalary birqatar aimaqtarda ainalymǵa endi. Olar turaqty ainalymdaǵy monetalarmen qatar qoldanylady.
«100 teńgelik bikolorly ainalystaǵy monetalar 7 túrde daiyndalǵan. Olar – «ER JIGIT», «SULÝ ÁIEL», «QUMAI TAZY», «AQYL BILIM», «BEREN MYLTYQ», «JÚIRIK AT» jáne «QYRAN BÚRKIT». Tehnikalyq sipattamasy jaǵynan olar basqa ainalystaǵy nominaly 100 teńgelik monetalarmen birdei. Zańdy tólem quraly. Iaǵni tólemderdiń barlyq túrleri úshin qabyldanýy qajet. Olardy taýarlar men qyzmetterge aqy tóleýge paidalanýǵa bolady. Monetalardyń parametrleri ózgerissiz saqtalǵanyn atap ótkim keledi», - dedi Jomart Qajmuratov.
Eger kásipkerler monetalardy qabyldaýdan bas tartsa, onda QR Ákimshilik kodeksiniń 206-babyna sáikes olarǵa eskertý beriledi. Eger jaǵdai bir jyl ishinde qaitalansa, 5-ten 25 AEK-ke deiingi mólsherde aiyppul qarastyrylǵan.
Turǵyndar óz aryz, shaǵymdarymen jaqyn mańdaǵy Ulttyq banktiń filialyna júgine alady.
