Oqý jyly qarsańynda elordalyq jasotandyqtar kópbalaly jáne turmysy tómen otbasyndaǵy oqýshylarǵa mektep quraldaryn satyp alýǵa sertifikattar syilady, dep habarlaidy QazAqparat.
Atalǵan aktsiia Qazaqstannyń barlyq óńirlerinde ótip jatyr.
«Mektepke jol» - kópbalaly jáne turmysy tómen otbasyndaǵy jáne ata-ananyń qamqorlyǵynsyz qalǵan balalardy oqý jylyna daiyndaý boiynsha jyl saiyn ótetin respýblikalyq aktsiia. Jasotandyqtar osy aktsiiaǵa jyl saiyn belsendi qatysady. Qazirgi ýaqytta aktsiiany bizdiń belsendiler Shyǵys Qazaqstan, Aqmola, Qyzylorda, Qostanai, Batys Qazaqstan, Túrkistan oblystarynda ótkizip jatyr. Búginnen bastap basqa óńirler de qosylady», - dedi «Jas Otan» Jastar qanatynyń jetekshisi Elnur Beisenbaev.
Óz kezeginde ata-analar jasotandyqtarǵa kóńil bólip, qoldaý kórsetkenderi úshin alǵysyn bildirdi.
«Nur Otan» partiiasyna jáne «Jas Otan» Jastar qanatyna únemi qoldaý kórsetkeni úshin alǵysymdy bildiremin. Tótenshe jaǵdai kezinde bizge azyq-túlik sebetteri túrinde de kómek kórsetildi. Bizdiń belsendi jastarymyzǵa taǵy da alǵys aitqym keledi», - dedi kópbalaly ana Nurziia Qurbanova.
Balalar men jas otbasylar árqashan jastar qanatynyń erekshe yqylasy men qamqorlyǵyna ie. Osyǵan bailanysty Elnur Beisenbaev jastar arasynda talqylanyp jatqan 2025 jylǵa deiingi «Jastar-Otanǵa!» baǵdarlamasyna toqtaldy.
«Biz úshin «Nur Otan» partiiasynyń Jastar qanaty retinde óskeleń urpaqqa qoldaý kórsetý óte mańyzdy. Kishkentai balalarǵa otbasylyq qundylyqtardy boiyna sińirip, tárbieleý – bizdiń basty mindetimiz. Sondyqtan jas otbasylardyń ómirin jaqsartý jónindegi mindetter bizdiń «Jastar-Otanǵa!» baǵdarlamamyzda kórinis tapty», - dedi ol.
Aita keteiik, sertifikattar elordanyń 20 oqýshysyna tabystaldy. Atalǵan aktsiiaǵa aýdandyq jasotandyqtar da atsalysýda.
