Jerorta teńizinde munai ónimderiniń tógilýi saldarynan Izrail jaǵalaýynyń 160 shaqyrymǵa jýyq ýchaskesi gýdron nemese shaiyrǵa uqsas qara uiyndy jamyldy. Bul eldiń tabiǵaty men janýarlar álemi úshin ekologiialyq apat, dep habarlaidy QazAqparat Deutsche Welle-ge silteme jasap.
Jeksenbi kúni Izrail biligi adamdardy Jerorta teńiziniń jaǵajailarynan alys júrýge eskertti, sebebi onda alyp munai daǵyn tazalaý jumystarymen myńdaǵan jumysshy men eriktiler ainalysyp júr.
Izrail eliniń Qorshaǵan ortany qorǵaý ministrliginiń baǵalaýynsha, qara uiyndylar belgisiz kemeden ondaǵan nemese júzdegen tonna munaidyń tógilýi saldarynan bolǵan.
Izraildiń Tabiǵat jáne saiabaqtar basqarmasy munaidyń tógilýin el tarihyndaǵy «eń kúrdeli ekologiialyq apattardyń biri» dep atady. Resmi tulǵalar tazalaý jumystaryna ailar, tipti jyldar ótýi múmkin ekenin málimdedi.
