Izrailde pandemiia bastalǵaly infektsiianyń taralýyn toqtatýǵa baǵyttalǵan lokdaýn úshinshi ret engizildi. El biligi jappai vaktsina egý naýqanyn jalǵastyryp, osy karantinniń sońǵy bolatynyna úmittenip otyr, dep habarlaidy QazAqparat VVS agenttigine silteme jasap.
Jeksenbiden bastap Izrail turǵyndaryna úilerinen sebepsiz shyǵyp, odan bir shaqyrymnan uzaq alystaýǵa tyiym salynǵan, ómirlik mańyzy joq barlyq dúkender men kásiporyndar jabylýda. Lokdaýn kem degende eki aptaǵa engizilip jatyr.
Izrailde álem boiynsha COVID-19 infektsiiasy taralýynyń eń joǵary kórsetkishteriniń biri tirkelgen: 9 mln jýyq halqy bar elde 400 myńǵa jýyq adam aýrýǵa shaldyǵyp, virýstan 3,2 myńnan astam turǵyn qaitys boldy. Alaida Izrailde jappai vaktsinalaý jalǵastyrylyp jatyr.
Osy aptanyń basynan beri koronavirýsqa qarsy ekpeni 280 myń izraildik azamat jasatqan, al eldiń premer-ministri Biniamin Netaniahýdiń aitýynsha, kelesi demalys kunderine qarai kún saiyn 150 myń ekpe jasalýy tiis.
El biligi qańtar aiynyń sońyna qarai el turǵyndarynyń jartysyna vaktsina egip, naýryzǵa qarai pandemiiany tolyq jeńýge úmittenip otyr.
