Qazaqtyń uly aqyny Abai Qunanbaevtyń týǵanyna 175 jyl tolýyna orai Izraildiń «Beit Nelli» baspa úii alǵash ret onyń «Qara sózderin» ivrit tilinde basyp shyǵardy, dep habarlaidy "Ult aqparat" QR Syrtqy ister ministrliginiń resmi saityna silteme jasap.
Sait jariialaǵan málimetterge qaraǵanda, baspahana 20 jyldan astam ýaqyttan beri izraildik avtorlardyń eńbekterin jariialap keledi, sonymen qatar sheteldik diplomatiialyq ókildiktermen yntymaqtastyq ornatqan.
Kitapty ivrit tiline kóptegen ádebi shyǵarmalardy aýdarýǵa mamandanǵan Polina Brýkman aýdardy. Ol Abai shyǵarmasymen alǵash ret tanysyp otyrǵanyn jáne onyń bai tilin zamanaýi oqyrmanǵa beiimdeý kezinde qiynshylyqtar týyndaǵanyn erekshe atap ótti. Aýdarmashy Qara sózder arqyly qazaq halqynyń bai mádenietimen tanysqanyn atap ótti. P. Brýkman bolashaqta Abaidyń basqa da týyndylaryn aýdarýdan úmitti.
Jaqynda belgili «Haarets» gazeti óziniń paraqshalarynda Qazaqstan Prezidenti Qasym-Jomart Toqaevtyń maqalasyna súiene otyryp, Abai fenomeni jaily arnaiy material jariialady.
Buǵan deiin, Qazaqstan Elshiligi Abai shyǵarmashylyǵymen Evrei ýniversitetiniń basshylyǵyn tanystyryp, kúzde oqý protsesi qalpyna keltirilgennen keiin, osy ýniversitet janyndaǵy Trýman institýtynda «Qara sózderdiń» prezentatsiiasyn ótkizý bastamasy qoldaý tapty.
Elshi Satybaldy Burshaqov Izrail oqyrmandaryn qazaq ádebietiniń bai murasy - Abai shyǵarmalarymen tanystyrýǵa bilimin salyp, zor úles qosqan barlyq qatysýshylarǵa alǵys bildirdi.
Abaidyń qara sózderi - 45 qysqasha támsil men filosofiialyq traktattan turatyn qazaq aqyny hám aǵartýshysynyń irgeli eńbegi. Bul poemada ulttyq tárbie men dúnietanym, moral jáne quqyq, qazaqtyń tarihy syńdy máseleler kóterilgen.
Abai óziniń «Qara sózderin» jasy ulǵaiǵan shaǵynda, biliktiń azǵyrýy men jer máselesiniń aýyrtpalyqtaryn bilip, el arasynda tanylyp, jaqynynan aiyrylǵan jyldardyń tusynda jazyp shyqqan. Olar ár jańa qoljazba kitaptarǵa qosylyp taratylyp otyrǵan. Keibir «Sózder» alǵash ret aqyn qaitys bolǵannan keiin (1904 jyl) 1918 jyly «Abai» jýrnalynyń betterinde jariialanǵan.
Aqynnyń shyǵarmasy álemniń kóptegen tilderine aýdarylǵan.
