قازاقتىڭ ۇلى اقىنى اباي قۇنانباەۆتىڭ تۋعانىنا 175 جىل تولۋىنا وراي يزرايلدٸڭ «بەيت نەللي» باسپا ٷيٸ العاش رەت ونىڭ «قارا سٶزدەرٸن» يۆريت تٸلٸندە باسىپ شىعاردى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ رەسمي سايتىنا سٸلتەمە جاساپ.
سايت جارييالاعان مەلٸمەتتەرگە قاراعاندا, باسپاحانا 20 جىلدان استام ۋاقىتتان بەرٸ يزرايلدٸك اۆتورلاردىڭ ەڭبەكتەرٸن جارييالاپ كەلەدٸ, سونىمەن قاتار شەتەلدٸك ديپلوماتييالىق ٶكٸلدٸكتەرمەن ىنتىماقتاستىق ورناتقان.
كٸتاپتى يۆريت تٸلٸنە كٶپتەگەن ەدەبي شىعارمالاردى اۋدارۋعا ماماندانعان پولينا برۋكمان اۋداردى. ول اباي شىعارماسىمەن العاش رەت تانىسىپ وتىرعانىن جەنە ونىڭ باي تٸلٸن زاماناۋي وقىرمانعا بەيٸمدەۋ كەزٸندە قيىنشىلىقتار تۋىنداعانىن ەرەكشە اتاپ ٶتتٸ. اۋدارماشى قارا سٶزدەر ارقىلى قازاق حالقىنىڭ باي مەدەنيەتٸمەن تانىسقانىن اتاپ ٶتتٸ. پ. برۋكمان بولاشاقتا ابايدىڭ باسقا دا تۋىندىلارىن اۋدارۋدان ٷمٸتتٸ.
جاقىندا بەلگٸلٸ «حاارەتس» گازەتٸ ٶزٸنٸڭ پاراقشالارىندا قازاقستان پرەزيدەنتٸ قاسىم-جومارت توقاەۆتىڭ ماقالاسىنا سٷيەنە وتىرىپ, اباي فەنومەنٸ جايلى ارنايى ماتەريال جارييالادى.
بۇعان دەيٸن, قازاقستان ەلشٸلٸگٸ اباي شىعارماشىلىعىمەن ەۆرەي ۋنيۆەرسيتەتٸنٸڭ باسشىلىعىن تانىستىرىپ, كٷزدە وقۋ پروتسەسٸ قالپىنا كەلتٸرٸلگەننەن كەيٸن, وسى ۋنيۆەرسيتەت جانىنداعى ترۋمان ينستيتۋتىندا «قارا سٶزدەردٸڭ» پرەزەنتاتسيياسىن ٶتكٸزۋ باستاماسى قولداۋ تاپتى.
ەلشٸ ساتىبالدى بۇرشاقوۆ يزرايل وقىرماندارىن قازاق ەدەبيەتٸنٸڭ باي مۇراسى - اباي شىعارمالارىمەن تانىستىرۋعا بٸلٸمٸن سالىپ, زور ٷلەس قوسقان بارلىق قاتىسۋشىلارعا العىس بٸلدٸردٸ.
ابايدىڭ قارا سٶزدەرٸ - 45 قىسقاشا تەمسٸل مەن فيلوسوفييالىق تراكتاتتان تۇراتىن قازاق اقىنى ھەم اعارتۋشىسىنىڭ ٸرگەلٸ ەڭبەگٸ. بۇل پوەمادا ۇلتتىق تەربيە مەن دٷنيەتانىم, مورال جەنە قۇقىق, قازاقتىڭ تاريحى سىڭدى مەسەلەلەر كٶتەرٸلگەن.
اباي ٶزٸنٸڭ «قارا سٶزدەرٸن» جاسى ۇلعايعان شاعىندا, بيلٸكتٸڭ ازعىرۋى مەن جەر مەسەلەسٸنٸڭ اۋىرتپالىقتارىن بٸلٸپ, ەل اراسىندا تانىلىپ, جاقىنىنان ايىرىلعان جىلداردىڭ تۇسىندا جازىپ شىققان. ولار ەر جاڭا قولجازبا كٸتاپتارعا قوسىلىپ تاراتىلىپ وتىرعان. كەيبٸر «سٶزدەر» العاش رەت اقىن قايتىس بولعاننان كەيٸن (1904 جىل) 1918 جىلى «اباي» جۋرنالىنىڭ بەتتەرٸندە جارييالانعان.
اقىننىڭ شىعارماسى ەلەمنٸڭ كٶپتەگەن تٸلدەرٸنە اۋدارىلعان.
