Foto: Sebastian Scheiner/Reuters
Izrail premer-ministri Beniamin Netaniahý úkimettiń kezekti otyrysynda HAMAS qozǵalysyna qarsy soǵystyń úshinshi kezeńiniń bastalǵanyn málimdedi, dep habarlaidy Sputnik Qazaqstan Ria Novosti agenttigine silteme jasap.
Onyń aitýynsha, Izrail soǵystyń bel ortasynda júr. Biraq maqsaty aiqyn. Ol – HAMAS-tyń basqarý jáne áskeri áleýetin joiý.
"Birinshi buǵattaý kezeńi aiaqtaldy. Ekinshi kezeń – áýeden soqqy jasaý. Ony úzdiksiz júrgizemiz.
Úshinshi kezeń – Izrail armiiasy Gaza sektoryna jermen basyp kirý shabýylyn keńeitti. Ony júieli túrde kezeń-kezeńimen progresske jetip, óte myqty qadamdarmen jasap jatyr", - dedi Netaniahý.
Aita keteiik, 7 qazanda HAMAS Izrailge zymyrandarmen shabýyl jasady. Al sarbazbar ońtústik aýdandarǵa basa kóktep kirdi, áskerilerge jáne beibit adamdarǵa oq atty. Júzdegen adamdy kepilge aldy. Jergilikti biliktiń málimetine sáikes, 1,4 myńnan astam adam qaza tapty. Olardyń ishinde 300-den astam áskeri qyzmetshi bar. 5 myń adam jaraqat aldy.
Izrail da jaýap retinde Gaza sektoryn zymyranmen atqylap tastady. Odan keiin shekaraǵa jaqyn aýdandardy baqylaýǵa aldy. Gaza sektoryna sý, azyq-túlik, elektr energiia, dári-dármek pen otyn jetkizý toqtatyldy.
