Foto: facebook.com/MODIsrael
Qazaqstan Respýblikasy Syrtqy ister ministrligi HAMAS pen Izrail arasyndaǵy qarýly qaqtyǵysqa qatysty málimdeme jasady, - dep habarlaidy "Ult aqparat" vedomstvo baspasóz qyzmetine silteme jasap.
"Qazaqstan HAMAS-tyń izraildik beibit turǵyndarǵa shabýylyn jáne shetel azamattaryn kepilge alýyn aiyptaidy. Biz BUU Bas hatshysy Antoniý Gýterrishtiń kepilge alynǵan adamdardy aldyn ala shartsyz dereý bosatý jáne gýmanitarlyq kómekke kedergisiz qoljetimdilikti qamtamasyz etý qajettiligi týraly úndeýin qoldaimyz.
Qazaqstan Respýblikasynyń Prezidenti Qasym-Jomart Toqaevtyń Bishkekte ótken TMD Sammitindegi málimdemesinde kelesidei aityldy: «Ondaǵan jyldar boiy sheshimin tappai kele jatqan mindetterdi júzege asyrý úshin terroristik áreketterdi jasaýǵa bolmaidy. Bul áreketter aqtaýǵa jatpaidy».
Sondai-aq, Qazaqstan Izraildi Gaza sektorynda kóptegen beibit turǵyndardyń qaza bolýyna jáne azamattyq infraqurylymnyń joiylýyna ákelip soǵatyn proportsionaldy emes kúsh qoldanýdan bas tartýǵa shaqyrady" - delingen habarlamada.
Ministrlik ókilderi mundai jaǵdaida halyqaralyq quqyq normalaryn saqtai otyryp, Palestina halqynyń zańdy quqyqtaryn kózdeitin BUU Qaýipsizdik Keńesiniń tiisti qararlaryn oryndaý óte mańyzdy ekenine toqtalǵan.
"Zorlyq-zombylyq áreketi qaita zorlyq-zombylyqty týdyrady jáne Taiaý Shyǵys pen búkil álem úshin sózsiz qaiǵyly saldarǵa alyp keledi.
Qazaqstan Gaza sektorynyń turǵyndaryn evakýatsiialaý úshin belgilengen merzimderdi alyp tastaý jáne qaqtyǵystyń kepilderine ainalmaýy tiis beibit turǵyndardyń tolyq qaýipsizdigin qamtamasyz etýdi talap etken halyqaralyq qoǵamdastyqpen niettestik bildiredi.
Osyǵan bailanysty Qazaqstan taraptardy áskeri áreketterdi tez arada toqtatýyn qamtamasyz etýge jáne «eki halyq úshin eki memleket» formýlasy negizinde aimaqtyń barlyq turǵyndary úshin beibitshilik, turaqtylyq pen qaýipsizdikke qol jetkizý jónindegi kúsh-jigerdi jandandyrýǵa shaqyrady" - delingen habarlamada.
