Foto: videodan skrinshot
Keshe túnde ondaǵan izraildik joiǵysh ushaq Iran aýmaǵyndaǵy áskeri nysandarǵa, sonyń ishinde iadrolyq nysandarǵa aldyn ala áýe soqqylaryn jasady, dep habarlaidy Ult.kz.
"Kóp jyldan beri Iran Izrailge qarsy lańkestikti tikelei jáne janama túrde qoldap keldi – búkil Taiaý Shyǵys aýmaǵynda óz ókilderi arqyly teraktiler uiymdastyryp, sol ýaqytta iadrolyq qarý jasaý jolynda da ilgeriledi. Osy soǵystyń basynan beri Izrailge qarsy jasalǵan barlyq teraktilerge Iran rejimi tikelei jaýapty", – delingen Izrail armiiasynyń baspasóz qyzmeti taratqan málimdemede.
Soqqylardan keiin Izrail premer-ministri Biniamin Netaniahý "Kóterilgen arystan" operatsiiasy bastalǵanyn habarlady. Onyń aitýynsha, bul operatsiia "irandyq qaýip tolyq joiylǵansha" jalǵasady.
Iran jáne Batys BAQ-tarynyń habarlaýynsha, soqqy nátijesinde Irannyń joǵary shendi qolbasshylary men iadrolyq baǵdarlamamen ainalysqan ǵalymdary qaza tapqan.
Irannyń Joǵarǵy kóshbasshysy Izrail "qatań jaza" kútýi keregin málimdedi.
"Sionistik rejim búgin tań ata bizdiń súiikti elimizge qarsy qylmys jasaý úshin óziniń las jáne qandy qolyn sozyp, turǵyn aýdandardy atqylaý arqyly buryn-sońdy bolmaǵan jaýyz tabiǵatyn kórsetti. Bul rejim qatań jazany kútýi kerek", – delingen Izrail soqqysynan keiin Iran basshysy Hamenei joldaǵan málimdemede.
Hamenei sonymen qatar Izrail shabýyly kezinde birneshe qolbasshy men ǵalym qaza tapqanyn rastady. "Olardyń ornyn birden basatyndar bar jáne olar bul missiiany dereý jalǵastyrady", – dep atap ótti ol.
