Foto: ashyq derekkóz
Izrail Qorǵanys Armiiasy (TsAHAL) senbi, 26 qazan kúni tań aldynda Irandaǵy belgisiz áskeri nysandarǵa jaýap retinde shabýyl jasaǵanyn habarlady.
«Iran rejiminiń Izrail memleketine birneshe ai boiy úzdiksiz shabýyldaryna jaýap retinde Qorǵanys Armiiasy dál qazirgi sátte Irandaǵy áskeri nysandarǵa nysanaly soqqylar jasap jatyr», — dep TsAHAL málimdemesin DW agenttigi keltirdi.
Irannyń buqaralyq aqparat quraldary Tegeran men astananyń bir shetinde turǵyndardyń jarylys dybystaryn estigenin habarlady.
Irannyń memlekettik telearnasynda áýe shabýylyna qarsy qorǵanys júiesiniń jumysy bolýy múmkin degen nusqa aityldy.
NBC News málimetinshe, nysanaǵa Tegerandaǵy kazarma jáne qarý-jaraq qoimasy alynǵan.
Irandyq aqparat kózderi soqqy jasalǵan nysandar arasynda Islam revoliýtsiiasynyń saqshylar korpýsynyń (KSIR) komandalyq pýnkti bolǵanyn habarlady.
26 qazan kúni tańerteń Izrail armiiasynyń ókilderi Irandaǵy operatsiianyń aiaqtalǵanyn málimdedi.
«Bizdiń ushaqtarymyz aman-esen úilerine oraldy. Jaýap soqqysy aiaqtaldy, missiia oryndaldy», — delingen TsAHAL málimdemesinde.
.jpg)