Foto:depositphotos.com
Izrail úkimeti Iranǵa qarsy operatsiianyń maqsattaryna qol jetkizilgenin jáne tipti artyǵymen oryndalǵanyn málimdep, sondyqtan el atysty toqtatý týraly Donald Tramptyń usynysymen kelisetinin habarlady, - dep habarlaidy Tengrinews.kz tilshisi RBC-ge silteme jasap.
Sonymen qatar, Izrail tarapy bitim buzylǵan kez kelgen jaǵdaida qatań jaýap beretinin atap ótti.
Izrail biligi AQSh prezidenti Donald Tramp jariialaǵan Iranmen áskeri qaqtyǵysta atysty toqtatý rejimi kúshine engenin rastady. Bul týraly 24 maýsym, seisenbide tańerteń Izrail premer-ministri Biniamin Netaniahýdyń keńsesi habarlady. Málimdemege sáikes, Netaniahý óz kabinetine Izrail barlyq áskeri maqsatqa qol jetkizgenin habarlaǵan.
Eske sala keteiik, buǵan deiin Iran Izrail seisenbide Tegeran ýaqytymen 4:00-ge deiin (Astana ýaqytymen 5:30) shabýyldardy toqtatsa, jaýap sharalaryn doǵaratynyn málimdegen bolatyn.
