© AFP 2023 / JACK GUEZ
Izrail áskeri bir táýlik ishinde Hamastyń 450-den astam áskeri nysanyna, onyń ishinde komandalyq ortalyqtar men zymyran ushyrý pýnktterine soqqy jasaǵanyn málimdedi, - dep habarlaidy Sputnik Qazaqstan.
"Ótken táýlikte Izrail áskeri ushaqtary Gaza sektoryndaǵy HAMAS lańkestik uiymyna tiesili 450-den astam áskeri nysanǵa, sonyń ishinde jedel basqarý ortalyqtaryna, baqylaý beketteri men tankke qarsy zymyran ushyrý pýnktterine soqqy berdi", - delingen TsAHAL-dyń Telegram kanaldaǵy málimdemesinde.
Armiia qurylyqtaǵy operatsiialardy keńeitý aiasynda Izrail áskeriniń kúshterine shabýyl jasamaq bolǵan jáne tankke qarsy zymyrandardy ushyrýdy josparlaǵan "terrorlyq uiashyqtarǵa" soqqy berilgenin atap ótti.
Buǵan deiin Izrail áskeri Gaza sektorynyń soltústigindegi turǵyndardy anklavtyń ońtústigine kóshýge shaqyrǵan.
Jergilikti densaýlyq saqtaý ministrliginiń málimetinshe, Gaza sektorynda qaza bolǵandar sany 8 myńnan asty, onyń jartysy - balalar, 18 myńnan astamy jaraqat alǵan.
