Jubaiy usynǵan sýret
29 qarashada joǵalyp ketken 34 jastaǵy er adamnyń denesi Talǵar qalasyna jaqyn mańda tabyldy, - dep habarlaidy "Ult aqparat".
Almaty qalasy Politsiia departamenti baspasóz qyzmetiniń málimetinshe, jedel izdestirý is-sharalary barysynda 29 qarashada úiinen shyǵyp ketip, oralmaǵan, osylaisha iz-túzsiz joǵalǵan 1989 jyly týǵan Timýr Popovtyń máiiti tabylǵan.
Qurylǵan jedel-izdestirý toby shuǵyl túrde Popovtyń júrý baǵytyn anyqtady: ol taksimen Talǵar qalasyna barǵan.
"Búgin, 7 jeltoqsanda saǵat 11:00-de politsiia qyzmetkerleri joǵalǵan azamattyń óziniń áieline telefon arqyly "SOS" dabylyn jibergen jerden 1,5 shaqyrym jerde ornalasqan "Talgarka" ózeniniń arnasyna tekserý júrgizdi. Nátijesinde joǵalǵan er adamnyń denesi sýdan tabyldy", - delingen habarlamada.
Adam óliminiń naqty sebebin anyqtaý úshin sot-meditsinalyq saraptama taǵaiyndaldy. Oqiǵanyń basqa da mán-jailary anyqtalyp jatyr.
