Foto: Pavlodar oblysy PD
Politsiia buǵan deiin Ekibastuzda joǵalyp ketken 7 jasar qyzdy óltirdi degen kúdiktilerdi anyqtady, - dep habarlaidy "Ult aqparat" IIM baspasóz qyzmetine silteme jasap.
Pavlodar oblysynda joǵalyp ketken 7 jasar qyzdyń anasy kisi óltirdi degen kúdikke ilindi.
"Jedel izdestirý jáne tergeý is-sharalaryn júrgizý barysynda kámeletke tolmaǵan, 2015 jyly týǵan Davydova Milananyń joǵalyp ketýiniń mán-jaiy men sebepteri anyqtaldy.
Politsiia qyzmetkerleri kámeletke tolmaǵan balany óltirdi degen kúdikpen anasy men onyń tanysyn ustady, er adam áieldiń ótinishimen qylmystyń izin jasyrǵan.
Ustalǵandar qylmysyn moiyndady" - delingen habarlamada.
Vedomstvo baspasóz qyzmetiniń málimetinshe, kisi óltirý faktisi boiynsha QR QK 99-babynyń 3-bóligi boiynsha sotqa deiingi tergeý bastaldy.
"Qazirgi ýaqytta qajetti tergeý áreketteri júrgizilip jatyr. Oqiǵa ornynda mamandandyrylǵan top jumys isteidi. Pavlodar oblysy PD, prokýratýra jáne Pavlodar oblysy ákimdiginiń basshylyqtary bar" - delingen habarlamada.
