Foto: hornews.com
Astanadaǵy №27 mektep-litseiiniń dene shynyqtyrý páni muǵalimi ata-analardyń shaǵymynan keiin jumystan shyǵaryldy. Bul týraly qalalyq bilim basqarmasy habarlady, - dep jazady Massaget.kz portaly.
Basqarma málimetinshe, mektepte qyzmettik tekseris júrgizilip, muǵalimniń ekinshi synyp oqýshysyna qarym-qatynasy pedagogikalyq etikaǵa sáikes kelmeitini anyqtalǵan. Dene shynyqtyrý muǵalimi qatań sógis aldy.
"Mekteptiń buiryǵyna jáne Eńbek kodeksine sáikes, bul muǵalim jumystan shyǵaryldy. Etikalyq normalar men talaptardy saqtamaý faktilerin boldyrmaý maqsatynda mektep ujymymen profilaktikalyq jumys júrgizildi. Basshynyń tárbie isi jónindegi orynbasaryna pedagogikalyq etikanyń negizgi qaǵidattarynyń saqtalýyn baqylaý jáne mundai jaǵdailarǵa jol bermeý tapsyryldy", - delingen habarlamada.
Eske salaiyq, № 27 mektep-litseiiniń ekinshi synyp oqýshysynyń ata-anasy dene shynyqtyrý pániniń muǵalimi segiz jasar qyzyn iterip, oǵan aiǵailaǵanyn aitqan edi. Dálel retinde mekteptegi beinebaqylaý kamerasynan video usynǵan.
Politsiia bul fakt boiynsha tekserý júrgizip jatqanyn jáne sot-meditsinalyq saraptama taǵaiyndaǵanyn habarlady.
