Italiiada 1800 qazaqstandyq azamat bar. Bul týraly brifingte QR SIM resmi ókili Aibek Smadiiarov aitty, dep habarlaidy QazAqparat.
«Bizdiń málimet boiynsha, Italiiada 1800 qazaqstandyq azamat bar. Onyń 673-i konsýldyq esepte tur. Italiiadan Qazaqstanǵa tikelei reis joq, kóbine úshinshi memleket arqyly júredi. Bizdiń elshilikte jedel shtab quryldy, olar áleýmettik jeli arqyly jaǵdaidy baiandap, baqylaýda ustap otyr. Aýrý juqtyrǵan jáne aýrý juqtyrýy múmkin azamattar arasynda qazaqstandyqtar joq», - deidi Aibek Smadiiarov.
Sondai-aq, ol qazaqstandyq azamattardy Eýropadan qaitarýdyń qiyndyqtary týraly aitty.
«Eýropa reisteriniń qiyndyǵy az emes. Kez kelgen azamat Eýroodaqqa múshe elderdiń kez kelgenine shekarany kesip ótip, arnaiy mórsiz bara alady. Bul týraly eshkim bilmei de qalady. Biz eýropalyq seriktestermen kelissóz júrgizip jatyrmyz. Eýropalyq bilik sheshim qabyldaýda. Jaqyn arada jaýabyn aitady», - deidi ol.
