Italiia 15 naýryzdan bastap qaita lokdaýn engizedi. Niý-Iorkte koronavirýs qurbandaryn aza tutý sharasy ótti. Al Ózbekstan elge keletinder úshin talapty ózgertti, dep habarlaidy "Ult aqparat".
Italiia - ótken jyly koronavirýsqa bailanysty karantindik shekteýler jariialaǵan alǵashqy elderdiń biri. Endi memleket jańa lokdaýnǵa daiyndalýda. Koronavirýstyń kelesi taralý qaýpine bailanysty 15 naýryzdan bastap Italiiada mektepter, meiramhanalar, dúkender men murajailar jabylady. Katoliktik Pasha meiramy ýaqytynda shekteýler óz kúshinde qalady.
Niý-Iorkte koronavirýs infektsiiasy rastalǵan alǵashqy adamnyń qaitys bolýynan bir jyl ótken soń, megapoliste pandemiianyń 30 myńnan astam qurbanyn aza tutý memorialdyq sharasy ótti. Niý-Iork qalasy 2020 jyldyń kókteminde AQSh-taǵy COVID-19 epitsentri atanǵan bolatyn.
15 naýryzdan bastap Ózbekstanǵa kiretin azamattardy koronavirýsqa mindetti testileý toqtatylady. Áýejailarda, vokzaldarda jáne shekaralyq ótkizý pýnkterinde test tapsyrýdyń ornyna elge kelgender koronavirýs infektsiiasynyń joq ekendigin rastaityn PTR-anyqtama usynýy tiis. Anyqtama merzimi 72 saǵattan aspaýy qajet.
