Sársenbi kúni Italiiada koronavirýs juqtyryp alǵandar sany 2706 adamǵa jetti, bul aldaǵy kúnmen salystyrǵanda 443 adamǵa kóp. Bul týraly ANSA agenttigi habarlady.
Italiianyń azamattyq qorǵanys ulttyq qyzmetiniń basshysy Andjelo Borrellidiń aitýynsha, elde indetten kóz jumǵandar sany 107 adamdy qurady. 276 adam saýyǵyp ketti. Bul seisenbi kúngi kórsetkishpen salystyrǵanda, 116 adamǵa kóp. Dertten aiyǵyp ketkender sanynyń ósimi – 72,5 paiyz. Bul sońǵy birneshe kúnde eń úlken kórsetkish.
Indet juqtyrǵan 297-ge jýyq adam jansaqtaý bóliminde jatyr. Borrellidiń aitýynsha, 1346 adam aýrýhanada, taǵy 1065 adam – úidegi karantinde jatyr.
Italiia úkimeti koronavirýs saldarynan beisenbiden bastap naýryz aiynyń ortasyna deiin eldegi barlyq mektepter men ýniversitetterdi jabý sheshimin qabyldady. Bul týraly Italiianyń bilim ministri Liýtsiia Atstsolina málim etti.
Eske sala keteiik, 21 aqpanda Italiiada koronavirýstan birinshi adam kóz jumdy.
