سەرسەنبٸ كٷنٸ يتالييادا كوروناۆيرۋس جۇقتىرىپ العاندار سانى 2706 ادامعا جەتتٸ, بۇل الداعى كٷنمەن سالىستىرعاندا 443 ادامعا كٶپ. بۇل تۋرالى ANSA اگەنتتٸگٸ حابارلادى.
يتالييانىڭ ازاماتتىق قورعانىس ۇلتتىق قىزمەتٸنٸڭ باسشىسى اندجەلو بوررەلليدٸڭ ايتۋىنشا, ەلدە ٸندەتتەن كٶز جۇمعاندار سانى 107 ادامدى قۇرادى. 276 ادام ساۋىعىپ كەتتٸ. بۇل سەيسەنبٸ كٷنگٸ كٶرسەتكٸشپەن سالىستىرعاندا, 116 ادامعا كٶپ. دەرتتەن ايىعىپ كەتكەندەر سانىنىڭ ٶسٸمٸ – 72,5 پايىز. بۇل سوڭعى بٸرنەشە كٷندە ەڭ ٷلكەن كٶرسەتكٸش.
ٸندەت جۇقتىرعان 297-گە جۋىق ادام جانساقتاۋ بٶلٸمٸندە جاتىر. بوررەلليدٸڭ ايتۋىنشا, 1346 ادام اۋرۋحانادا, تاعى 1065 ادام – ٷيدەگٸ كارانتيندە جاتىر.
يتالييا ٷكٸمەتٸ كوروناۆيرۋس سالدارىنان بەيسەنبٸدەن باستاپ ناۋرىز ايىنىڭ ورتاسىنا دەيٸن ەلدەگٸ بارلىق مەكتەپتەر مەن ۋنيۆەرسيتەتتەردٸ جابۋ شەشٸمٸن قابىلدادى. بۇل تۋرالى يتالييانىڭ بٸلٸم مينيسترٸ ليۋتسييا اتستسولينا مەلٸم ەتتٸ.
ەسكە سالا كەتەيٸك, 21 اقپاندا يتالييادا كوروناۆيرۋستان بٸرٸنشٸ ادام كٶز جۇمدى.
