Sýret: Parco Archeologico di Pompei - Ministero della Cultura
Qazaqstandyq týrist Italiiadaǵy Pompei arheologiialyq saiabaǵyndaǵy Tseev úiiniń ejelgi qabyrǵasynda ALI sózin jazǵany úshin ustaldy. Er adamǵa zalaldy qalpyna keltirý mindetteledi, dep habarlaidy "Ult aqparat" Euronews portalyna silteme jasap.
Murajai keńsesiniń málimetinshe, qazaqstandyq azamatty senbi kúni tańerteń qaýipsizdik qyzmetkerleri Tseev úiindegi jeńil sylaqqa ALI áripterin oiyp salǵannan keiin ustaǵan. Oqiǵa týraly saiabaqtyń janynda ornalasqan statsionarlyq karabiner postyna habarlanǵan.
Derekterge sai endi týrist sáýlet eskertkishine keltirilgen zalaldyń ornyn toltyrýy shart. Zalaldyń naqty somasy tehnikalyq saraptama júrgizilgennen keiin aitylady.
Tseev úii – 1913-1914 jyldary qazylǵan sońǵy samnittik kezeńdegi (b.z. d. II ǵasyr) ejelgi turǵyn úidiń sirek kezdesetin mysaldarynyń biri. Sol sebepti muraijadaǵy qabyrǵalardyń ózi erekshe baqylaýǵa alynǵan.
