Eýropadaǵy eń iri janartaý oiandy. Etna janartaýy jeksenbi kúni atqylai bastady. Bul týraly Euro Weekly News basylymy habarlady.
Atqylaý barysynda ystyq lava men janartaý kúli shashyrap, jer betiniń ortasha terbelisi baiqaldy. Janartaý belsendiligi juma kúni sezildi. Atqylaý 5 kilometr biiktikke kúl shashyraý arqyly bastaldy. Jergilikti BAQ málimetinshe, aimaqtyń seismikalyq belsendiligi birden artyp ketken.
Qalyń tútindi 30 shaqyrym qashyqtyqtan kórýge bolady. Janartaý - Kataniia sitsiliialyq portty qalasyna jaqyn mańda.
Aita ketsek, janartaý atqylaý jergilikti turǵyndar men olardyń múlkine qaýip tóndirmeidi. Oǵan qosa, onyń koronavirýs pandemiiasy saldarynan qyzmeti shektelgen halyqaralyq Kataniia áýejaiynyń jumysyna keri áseri bolmady.
Eske sala ketsek, Etna - Eýropadaǵy eń biik sónbegen janartaý. 2013 jyldyń maýsym aiynda IýNESKO-nyń Álemdik muralar tizimine endi.
