Foto: REUTERS
Italiia Premer-ministri Djordja Meloni óz elinde bolǵan joiqyn sý tasqynyna bailanysty Qazaqstanǵa jumys saparymen kelmeitin boldy.
Bul týraly Prezidenttiń baspasóz hatshysy Rýslan Jeldibai habarlady.
"Emiliia-Romania aimaǵynda bolǵan joiqyn sý tasqyny saldarynan kóptegen adamnyń qaza tabýyna bailanysty Italiia Premer-ministri Djordja Meloni tabiǵat apatynan zardap shekken óńirlerge barý úshin Hirosimada ótip jatqan G7 sammitine sońyna deiin qatyspai, eline qaityp barady.
Kelip túsken málimet boiynsha, Italiianyń soltústiginde kem degende 40-tan astam eldi meken sý astynda qalyp, 20 myńnan astam adam baspanasynan aiyryldy. Osy sebepke bailanysty Italiia Úkimeti basshysynyń Astanaǵa aldyn-al josparlanǵan jumys sapary bolmaidy.
Italiia tarapy Prezident Qasym-Jomart Toqaev pen Djordja Melonidiń telefon arqyly sóilesýin uiymdastyrýdy surady", - dep jazdy Jeldibai Facebook-taǵy paraqshasynda.
Aita keteiik, buǵan deiin Aqorda 22 mamyr kúni Qazaqstanǵa Italiia Premer-ministri Djordja Meloni jumys saparymen keletinin habarlaǵan edi.
