فوتو: REUTERS
يتالييا پرەمەر-مينيسترٸ دجوردجا مەلوني ٶز ەلٸندە بولعان جويقىن سۋ تاسقىنىنا بايلانىستى قازاقستانعا جۇمىس ساپارىمەن كەلمەيتٸن بولدى.
بۇل تۋرالى پرەزيدەنتتٸڭ باسپاسٶز حاتشىسى رۋسلان جەلدٸباي حابارلادى.
"ەميلييا-رومانيا ايماعىندا بولعان جويقىن سۋ تاسقىنى سالدارىنان كٶپتەگەن ادامنىڭ قازا تابۋىنا بايلانىستى يتالييا پرەمەر-مينيسترٸ دجوردجا مەلوني تابيعات اپاتىنان زارداپ شەككەن ٶڭٸرلەرگە بارۋ ٷشٸن حيروسيمادا ٶتٸپ جاتقان G7 سامميتٸنە سوڭىنا دەيٸن قاتىسپاي, ەلٸنە قايتىپ بارادى.
كەلٸپ تٷسكەن مەلٸمەت بويىنشا, يتالييانىڭ سولتٷستٸگٸندە كەم دەگەندە 40-تان استام ەلدٸ مەكەن سۋ استىندا قالىپ, 20 مىڭنان استام ادام باسپاناسىنان ايىرىلدى. وسى سەبەپكە بايلانىستى يتالييا ٷكٸمەتٸ باسشىسىنىڭ استاناعا الدىن-ال جوسپارلانعان جۇمىس ساپارى بولمايدى.
يتالييا تاراپى پرەزيدەنت قاسىم-جومارت توقاەۆ پەن دجوردجا مەلونيدٸڭ تەلەفون ارقىلى سٶيلەسۋٸن ۇيىمداستىرۋدى سۇرادى", - دەپ جازدى جەلدٸباي Facebook-تاعى پاراقشاسىندا.
ايتا كەتەيٸك, بۇعان دەيٸن اقوردا 22 مامىر كٷنٸ قازاقستانعا يتالييا پرەمەر-مينيسترٸ دجوردجا مەلوني جۇمىس ساپارىمەن كەلەتٸنٸن حابارلاعان ەدٸ.
