Qazaqstan men Italiia arasyndaǵy saýda-ekonomikalyq bailanys múmkindigi joǵary. Bul týraly Italiia Syrtqy ister ministriniń orynbasary Manlio Di Stefano aitty, dep habarlaidy "Ult aqparat".
«Eki el arasyndaǵy ekonomikalyq bailanys nyǵaiyp keledi. Bizde saýda-ekonomikalyq jáne investitsiialyq yntymaqtastyqty keńeitýde zor múmkindikter bar», - deidi Manlio Di Stefano elordada ótken Qazaqstan-Italiia biznes-forýmynda.
Onyń aitýynsha, búginde Italiia Qazaqstan ekonomikasyna 6,6 milliard AQSh dollary kóleminde investitsiia salǵan.
«Jalpy, Qazaqstanda Italiianyń 270-ge jýyq kompaniiasy jumys isteidi. 13 jeltoqsanda Italiianyń Ortalyq Aziia elderimen yntymaqtastyǵy boiynsha taǵy bir jiyn ótedi», - deidi ol.
Aita ketse, atalǵan is-sharaǵa eki eldiń isker toptarynyń, ulttyq kompaniialardyń, memlekettik organdardan 200-den astam ókili qatysty.
