Almaty oblysy Jambyl aýdanyna qarasty Aqseńgir aýyldyq okrýginde it talaǵan 9 jastaǵy balanyń jaǵdaiy týraly dáriger málimet berdi, dep habarlaidy QazAqparat.
Almaty qalalyq balalar shuǵyl meditsinalyq járdem ortalyǵy bas dárigeriniń orynbasary Alýa Jeksenovanyń aitýynsha, oqýshy aman, qazir aýrýhanada jatyr.
«Ata-anasynyń qalaýymen bala bizdiń ortalyqqa jetkizildi. Oqýshyǵa qabyldaý bóliminde qutyrýǵa qarsy immýnoglobýlin salyp, bólimshege jatqyzdyq. Kelgendegi jaǵdaiy ortasha aýyr boldy. Qazir bala ortasha aýyrlyqta. Biraq, dinamikada jaǵdaiy turaqtalǵan jáne qutyrýǵa qarsy vaktsinasy shema boiynsha salynyp jatyr. Dárigerlerdiń baqylaýynda. Hattama boiynsha em jasalady. Qazirgi ýaqytta balanyń ómirine qaýip joq», - dedi dáriger.
