Elimizdegi ǵana emes, álemdegi halyqty ábigerge salǵan koronavirýs indeti talai kásiptiń toqtap qalýyna yqpal etse, onlain oqý, qashyqtan jumys isteý barysynda IT kásipkerlikti alǵa jyljytqany belgili. Buǵan birden bir dálel - biylǵy jyldyń sáýir aiynda Astana Hub-taǵy kompaniialarǵa tartylǵan investitsiia kólemi 15,3 mlrd teńgege jetken, - dep habarlaidy «Ult aqparat».
Búgingi tańda elimizde tehnoparkter men innovatsiialyq habtar ashyp, IT-kásipkerlikti damytýǵa qarjy bóline bastady. Atap aitqanda, Astana Hub halyqaralyq tehnoparkinde salyqtyq jeńildik jasalǵan 449 IT-kompaniia men 775 startap, 6 R&D zerthanasy jumys isteidi eken.
«Osydan bes jyl buryn IT salasy týraly asa aityla bermeitin. Suranysqa da osynshalyqty ie emes edi. Biraq qazirgi tańda IT kompaniialar men IT mamandarǵa degen suranys óte qatty artqan. Máselen, meniń ózim Almaty qalasyndaǵy halyqaralyq IT ýniversitetin tamamdaǵaly qyzý jumys isteýdemin. Bir emes, birneshe jerde qyzmet etip, qosymsha IT kásipkerlikpen de ainalysyp kelemin. Eldegi pandemiia áseri barlyq kásip salasyna áser etkenimen, bizdiń salaǵa oń yqpal etti deýge bolady. Óitkeni bizdiń salaǵa bólinip jatqan investitsiia kólemi kún saiyn artyp otyr», - deidi IT mamany Sherhan Moldahmet.
Onyń aitýynsha, biyl jyl basynan beri IT-kompaniialardyń investitsiia kólemi 15,3 mlrd teńge bolǵan.
Sonymen qatar, «Damý» kásipkerlikti damytý qorynyń bastamasymen IT-kompaniialardy tómen paiyzben nesielendirý jumystary da jolǵa qoiyla bastaǵan.
«IT kompaniialar bankterden jyldyq mólsheri 6% jeńildikpen kredit alýǵa múmkindigi bar. Tehnoparktegi startaptar men IT-kompaniialar KTS, QQS, taýarlar importyna QQS, roialti salyǵy, JTS jáne rezident emester úshin áleýmettik salyqtan bosatylǵan. Bul IT-kásipkerlikti damytýǵa serpin berip otyr», - delingen «Damý» kásipkerlikti damytý qory taratqan habarlamada.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsinniń aitýynsha, Astana Hub-taǵy startap jobalardyń tabysy 20 mlrd teńgege jetken.
«Bul – tehnoparktegi barlyq IT-kompaniianyń tabysy. Mysaly, Apart X, Kid Security, Sagi, Oquda, Supermomsclub, Clockster syndy startap jobalar bar. Onyń ishinde Apart X jobasyna Activat kompaniiasynan 2 million dollar investitsiia tartylǵan. Bul jalǵa beriletin jyljymaityn múlik ielerine arnalǵan mobildi qosymsha bolyp sanalady», - dedi Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Osy oraida IT mamany Sherhan Moldahmet osy salany damytý úshin osy salada oqityn jastarǵa qoldaý kórsetý keregin, mamandardy arnaiy daiarlap, IT kásipke beiimdeý keregin de sóz etti.
«Barshańyzǵa belgili IT mamany búgingi tańda suranysqa ie mamandyqtardyń biri ekeni belgili. Sondyqtan kóp jastardlyń bolashaǵy osy salamen bailanysty bolsa dep oilaimyn. IT mamandyqtaryn oqytatyn oqý oryndarynyń sanyn arttyryp, osy salanyń bilim júiesine de kóńil bólinse degen tilegim bar. Óitkeni qazir mektep jasyndaǵy jas balalardyń ózi qosymshalar men baǵdarlamalar oilap tabýdan aldaryna jan salmai, qyzyǵýshylyq tanytyp keledi», - dedi IT mamany.
Esterińizge sala keteiik, elimizdegi ǵana emes, álemdegi halyqty ábigerge salǵan koronavirýs indeti talai kásiptiń toqtap qalýyna yqpal etse, onlain oqý, qashyqtan jumys isteý barysynda IT kásipkerlikti alǵa jyljytqany belgili. Buǵan birden bir dálel, biylǵy jyldyń sáýir aiynda Astana Hub-taǵy kompaniialarǵa tartylǵan investitsiia kólemi 15,3 mlrd teńgege jetken. Búgingi tańda elimizde tehnoparkter men innovatsiialyq habtar ashyp, IT-kásipkerlikti damytýǵa qarjy bóline bastady. Atap aitqanda, Astana Hub halyqaralyq tehnoparkinde salyqtyq jeńildik jasalǵan 449 IT-kompaniia men 775 startap, 6 R&D zerthanasy jumys isteidi eken.
