Foto: Douche Welle
Sońǵy málimetterge sáikes, Ispaniiadaǵy sý tasqynynan 155 adam qaza tapty. Tabiǵi apat qurbandaryn anyqtaý áli de jalǵasyp jatyr, dep habarlaidy NBC News.
Basylymnyń aqparatynsha, nóser saldarynan bolǵan sý tasqyny Ispaniianyń shyǵysy men ońtústiginde kemi 155 adamnyń ómirin qidy. Oǵan qosa, tabiǵi apattyń keibir qurbandary kólikterde qalyp qoiǵany anyqtaldy.
Buǵan deiin jelide sý tasqynynan zaqymdanǵan kólikter beinelengen sýretter tarap ketken edi.
"Ókinishke orai, keibir kólikterde qaza tapqan adamdar bar", - dedi Ispaniianyń kólik ministri Oskar Pýente.
Valensiia óńirindegi apattyq qyzmet ókilderi aldyn ala málimet boiynsha qaza tapqandardyń sany 155 adamdy quraǵanyn habarlady. Alaida qurbandardy anyqtaý jumystary áli de júrip jatyr.
.jpg)