Foto: BBC
Valensiia óńirinde qatty jaýyn-shashyn men burshaq saldarynan bolǵan sý tasqyny nátijesinde 95 adam qaza tapty. Ispan úkimeti úsh kúndik qaraly kún jariialady dep habarlaidy BBC arnasy.
Óńirlik úkimettiń basshysy Karlos Masonnyń aitýynsha, zardap shekken aimaqtarda qutqarý operatsiialary jalǵasyp jatyr, jáne qaitys bolǵandardyń naqty sany áli anyqtalmaǵan. Sońǵy málimetter boiynsha, Valensiia provintsiiasynda 92, Kastilia – La Mancha provintsiiasynda 2, al Andalýsiiada bir adamnyń denesi tabylǵan.
Balear araldarynda da joiqyn zardaptar men qaza tapqandar bolýy múmkin degen habarlama bar. Qorǵanys ministri Margarita Robles qutqarýshylarǵa 1000-nan astam áskeri qyzmetker men tikushaqtar jiberilgenin aitty.
Kóptegen turǵyndar áli kúnge deiin habar-osharsyz ketken, al tele-radiostantsiialar jedel kómek kútetin azamattardan júzdegen qońyraý qabyldap jatyr. 150 myńnan astam úi Valensiiada elektr energiiasyz qaldy. Bul sý tasqyny Ispaniia tarihynda 1973 jylǵy sý tasqynynan keiingi eń joiqyn apat bolyp tur.
Ispan meteorologtarynyń málimeti boiynsha, Valensiianyń batysyndaǵy Chiva qalasynda 8 saǵat ishinde 491 mm jaýyn-shashyn túsken, bul bir jylda jaýatyn normamen shamalas.
.jpg)