Ispaniiadaǵy Halyqaralyq Túrki mádenieti men murasy qorynyń bastamasymen Abaidyń 175 jyldyǵyna jáne Úzeiir Gadjibeilidiń135 jyldyǵyna orai poshtalyq markalar shyǵaryldy, dep habarlaidy "Ult aqparat".
Halyqaralyq Túrki mádenieti men murasy qorynyń qoldaýymen jáne Ispaniia Koroldigindegi Ázerbaijan Respýblikasy elshiliginiń uiymdastyrýymen qazaqtyń uly aqyny, qazirgi qazaq jazba ádebietiniń negizin qalaýshy Abaidyń 175 jyldyq mereitoiyna jáne asa kórnekti ázerbaijan kompozitory, mýzykatanýshy, Shyǵystaǵy alǵashqy opera jáne operetta avtory, ázerbaijan ulttyq mýzykasynyń negizin qalaýshy Úzeiir Gadjibeilidiń 135 jyldyǵyna orai Ispaniiada Túrki áleminiń eki uly qairatkerine arnalǵan poshta markalary shyǵaryldy.
Abai men Úzeiir Gadjibeili, olardyń shyǵarmashylyǵynyń úlgileri, sondai-aq túrki áleminiń mádeni qundylyqtary men ulttyq mýzykalyq aspaptary beinelengen poshtalyq markalar Ispaniia boiynsha ainalymǵa shyǵaryldy.
Markilerdi basyp shyǵarýdyń maqsaty - halyqaralyq aýqymdy aýditoriiany Túrki áleminiń kórnekti tulǵalarynyń shyǵarmashylyǵymen tanystyrý.
