14 naýryzdan bastap karantin engizilgen Ispaniiada sońǵy 24 saǵatta koronavirýstan 435 adam qaitys boldy. Bul týraly Marca News agenttigi habarlady.
Osylaisha, elde virýstan qaitys bolǵandardyń jalpy sany 21 717 adamǵa jetti.
Ispaniia premer-ministri Pedro Sanches tótenshe jaǵdaidy uzartýǵa ótinish beretinin málim etti. Sársenbi kúni onyń usynysy Parlament talqylaýyna shyǵarylady. Eger maquldansa, elde karantin osy jyldyń 9 mamyryna deiin uzartylady.
Ár senbi Sanches Ispaniia úkimetiniń ǵylym komitetimen koronavirýs jaǵdaiy týraly esepti tyńdaý úshin videokonferentsiia ótkizip jatyr. Karantin 26 sáýirde taǵy 15 kúnge sozylýy múmkin.
Eske salaiyq, elde 205 000 koronavirýs jaǵdaiy tirkeldi. Osylaisha, Ispaniia Italiiadan «asyp túsip», aýrý juqtyrǵandar sany boiynsha álemde ekinshi orynda tur.
