30 shildede Marokkomen shekarada ornalasqan Ispaniianyń Seýta eksklavyna myńdaǵan zańsyz migrant ótti. Jaǵdaidyń kúrt shielenisýine bailanysty Ispaniia úkimeti qaladaǵy qaýipsizdikti kúsheitý úshin ásker jiberetinin málimdedi, dep habarlaidy ult.kz.
BAQ málimetinshe, Seýtaǵa jetý úshin teńiz arqyly shekarany kesip ótpek bolǵan keminde 15 adam sýǵa batyp kóz jumǵan. Ázirge Marokkodan zańsyz kóshi-qonnyń ne sebepti kúrt artqany belgisiz.
Búgin qalaǵa Ispaniia premer-ministri Pedro Sanches pen eldiń ishki ister ministri barmaq.
Oqiǵa Madrid pen Rim arasynda saiasi daý týǵyzdy. Italiia premer-ministri Djordja Meloni myńdaǵan migranttyń aǵylýyn kórsetken kadrlardy «alańdatarlyq jaǵdai» dep atap, baqylaýsyz zańsyz kóshi-qon Eýropa shekaralarynyń qaýipsizdigine naqty qaýip tóndiredi dedi. Onyń sózinshe, Italiia Ispaniiamen aradaǵy Shengen kelisiminiń qoldanylýyn ýaqytsha toqtatý múmkindigin qarastyryp jatyr.
Buǵan jaýap retinde Ispaniianyń syrtqy ister ministri Hose Manýel Albares mundai málimdemelerdi «seriktes ári dos elge jaraspaityn sózder» dep baǵalap, Eýropalyq yntymaqtastyqtyń ornyna saiasi demagogiiaǵa jol bermeýge shaqyrdy.
Seýta – Marokkonyń soltústik jaǵalaýynda ornalasqan, biraq Ispaniiaǵa qaraityn eksklav. Ol kóp jyldan beri Eýropaǵa jetýge tyrysatyn migranttar úshin negizgi baǵyttardyń biri sanalady.
