Ispandyq rep oryndaýshysy Pablo Haseldiń tutqyndalýy birqatar qalada politsiiamen qaqtyǵysqa ulasqan narazylyq aktsiialaryn týdyrdy, dep habarlaidy Euronews agenttigi.
Barselonada myńdaǵan adam kóshege shyqty. Olar qoqys jáshikterin órtep, politseilerdi taspen atqylap jatyr.
Ispaniia koroldik úiiniń ókilderin «parazitter, mafiozdar, urylar jáne qylmystyq top» dep ataǵan, sondai-aq politsiiany «migranttardy óltirdi» dep aiyptaǵan tviti úshin Hasel toǵyz aiǵa qamaýǵa alyndy.
Joǵarǵy sot muny monarhiiany qorlaý jáne terrorizmdi dáripteý dep qabyldady.
Reper ózin-ózi quqyq qorǵaý organdaryna tapsyrýǵa mindetteldi, biraq ol odan bas tartyp, Leda ýniversitetinde jaqtastarymen birge bir kún bolǵan, sodan keiin ustalǵan.
Pablo Hasel kommýnistik kózqarasty ustanady, bul onyń shyǵarmashylyǵynda kórinis tapqan.
Buǵan deiin ol «sottyń úkimin kútip, shetelde jasyrynýǵa bolatyn edi, biraq elde qalyp, kúresý áldeqaida paidaly» dep málimdegen bolatyn.
