Ministrdiń buiryǵymen Islam Bairamýkov Mádeniet jáne sport ministriniń keńesshisi qyzmetine taǵaiyndaldy, dep habarlaidy "Ult aqparat".
Islam Iliiasuly Bairamýkov 1971 jyly 12 maýsymda Jambyl oblysy, Turar Rysqulov aýdany, Kamenka aýylynda dúniege kelgen.
Grek-rim kúresinen Sidnei Olimpiadasynyń kúmis júldegeri. Eki dúrkin Aziia kýbogynyń iegeri. 2000 jyly Aziia chempiony, erki márte Shyǵys Aziia oiyndarynyń chempiony, birneshe dúrkin el chempiony atanǵan.
1989-1993 jyldary Qazaq memlekettik dene shynyqtyrý institýtynda, 2001-2003 jyldary Qazaq ulttyq ýniversitetinde, 2003-2005 jyldary Máskeý memlekettik áleýmettik-gýmanitarlyq ýniversitetinde oqyǵan. 2004 jyly sporttan ketip, pedagogikalyq salaǵa aýysady.
Jumys tájiribesi:
1986 jyldan 1989 jylǵa deiin Qajymuqan Muńaitpasuly atyndaǵy Almaty olimpiadalyq rezerv ýchilishesinde sport jattyqtyrýshysy;
1989 jyldan 1993 jylǵa deiin Qazaq memlekettik dene shynyqtyrý institýty. Sport jattyqtyrýshysy-oqytýshy;
1993 jyldan 2004 jylǵy deiin erkin kúresten Qazaqstan Respýblikasynyń shtattyq qurama sportshysy;
2007 jyldan 2009 jylǵa deiin erkin kúresten Qazaqstan quramasynyń aǵa jattyqtyrýshysy;
Qoǵamdyq qyzmeti: 2000 jyldan bastap qazirgi ýaqytqa deiin Qazaqstan halqy Assambleiasynyń quramynda. Qazaqstannyń qarashai jáne balqarlar qaýymdastyǵy tóraǵasynyń orynbasary. Qazaqstan halqy Assambleiasy janyndaǵy Jastar qanatynyń tóraǵasy.
Qazaqstan Respýblikasynyń eńbek sińirgen sport sheberi, 2000 jyly «Parasat» ordenimen marapattalǵan, «QR Táýelsizdigine 10 jyl» medaliniń iegeri.
