Aýyl sharýashylyǵy ministrligi Sý resýrstary komitetiniń burynǵy tóraǵasy Islam Ábishev shartty túrde merziminen buryn bosatyldy, - dep habarlaidy Tengrinews.kz.
"Búgin qalalyq sot qaýlyny jariialap, Baiqońyr sotynyń sheshimin atap ótti jáne Ábishevtiń shartty túrde merziminen buryn bosatý týraly ótinishin qanaǵattandyrdy. 2020 jyldyń jeltoqsanynda Qylmystyq kodekske túzetýler engizildi. 72-bapqa ("Jazany óteýden shartty túrde merziminen buryn bosatý") 8-tarmaq qosyldy, endi sybailas jemqorlyq úshin aiyptalyp, jasy alpys úshten asqan er adamdar shartty túrde merziminen buryn bosai alady", - dedi advokat Erlan Makenov.
Advokat Ábishevtiń 65 jasqa tolǵanyn, budan basqa onyń eshqandai zańbuzýshylyqtary joǵyn aitty, bul sot sheshimine negiz bolǵan.
Eske salaiyq, 2020 jyldyń aqpanynda Aýyl sharýashylyǵy ministrligi Sý resýrstary komitetiniń burynǵy tóraǵasy Islam Ábishevke Nur-Sultanda úkim shyǵarylǵan bolatyn. Ol 60 million teńgeden asa mólsherde para alýǵa áreket etkeni úshin kináli dep tanylǵan. Ábishev bes jylǵa bas bostandyǵynan aiyrylǵan, ol qaýipsizdigi tómen mekemede jazasyn ótegen. Sondai-aqǵ oǵan belgili bir laýazymdardy atqarýǵa tyiym salynǵan.
