QR Ulttyq ekonomika ministri Rýslan Dálenov iskerlik belsendilikti qalpyna keltirý boiynsha ortalyq jáne jergilikti atqarýshy organdarǵa birqatar usynym berdi, dep habarlaidy QazAqparat.
«Qurmetti Asqar Uzaqbaiuly! Iskerlik belsendilikti qalpyna keltirý boiynsha qabyldanyp jatqan sharalardy eskere otyryp, ortalyq jáne jergilikti atqarýshy organdar kelesi aspektilerge nazar aýdarýy qajet. Eń aldymen – óńirlik turaqtandyrý qorlaryn paidalaný arqyly áleýmettik mańyzy bar azyq-túlik taýarlary baǵasynyń maýsymdyq ósýine jol bermeý. Ekinshi – óńdeý ónerkásibi men qurylysta qol jetkizilgen ósý qarqynyn tómendetpeý. Úshinshi – jergilikti atqarýshy organdardyń investitsiialyq jobalar pýlyn sapaly iske asyrý», - dedi Rýslan Dálenov Úkimet otyrysynda.
Sonymen birge, ministr daǵdarysqa qarsy sharalar boiynsha qarajattyń tiimdi igerilýin jáne jyl qorytyndysy boiynsha ósýdiń nysanaly indikatorlaryna qol jetkizýdi qamtamasyz etýdi usyndy.
«Jumyspen qamtýdyń jol kartasy sheńberinde turaqty jumys oryndarynyń úlesin ulǵaitý kerek. Qarjy jylyn tolyqqandy aiaqtap, ekonomikaǵa qarajatty jyldam engizý úshin kelesi jylǵa arnalǵan rásimderdi daiyndaý qajet», - dedi R. Dálenov.
