Koronavirýs pandemiiasy saldarynan otandyq týrizm milliardtaǵan shyǵynǵa batty. Bul týraly Kazakh Tourism AQ ulttyq kompaniiasynyń basqarma tóraǵasy Talǵat Amanbaev málim etti, dep habarlaidy QazAqparat tilshisi.
«Týrizm - pandemiiadan eń kóp zardap shekken salanyń biri. Osy oraida otandyq týrizmde milliardtaǵan shyǵynǵa ushyrady. Alaida shekaralardyń jabylýynan ishki týrizmge degen suranystyń artqany baiqaldy. 2021 jyly Qazaqstanda ishki týrister sany boiynsha rekord jańardy. Iaǵni byltyr ishki týristerdiń sany artyp, 6,9 million adamǵa jetti. Bul - pandemiiaǵa deiingi (2020 jyl) deńgeiden 5 paiyzǵa jáne 2019 jylǵy kórsetkishten 35 paiyzǵa joǵary», - dedi Talǵat Amanbaev.
«Kazakh Tourism» basshysynyń aitýynsha, ishki týrizmge suranystyń artýyna bailanysty qonaq úiler men demalys oryndary qyzmeti 90%-ǵa artqan.
«Statistikaǵa súiensek demalys oryndary men qonaq úiler sanynyń ósýi baiqalady. 2020 jyly olardyń sany 3 514-ke jetti. Sondai-aq, ótken jyly elimzde 172 jańa demalys orny paida boldy. Sáikesinshe týrister demalatyn bólme qory ulǵaiyp, 193 030 tósek-oryndy qurady. Bul ótken jylmen salystyrǵanda 9 417 tósek-orynǵa artyq», - deidi ol.
