«QazMunaiGaz» UK AQ áýe otynynyń tapshylyǵy oryn alýy múmkin degen aqparattyń shyndyqqa janaspaitynyn málim etti, dep habarlaidy QazAqparat.
Aita keteiik, buǵan deiin «Eir Astana» kompaniiasy áýe otyny tapshylyǵy bolýy múmkin ekenin eskertip, dabyl qaqqan bolatyn.
Osyǵan bailanysty «QazMunaiGaz» UK» AQ resmi málimdeme jasady.
«Eir Astana» alańdaýshylyǵy buǵan deiin Energetika ministrliginiń elimizdegi ishki naryqtaǵy ahýaldy esepke ala otyryp, dizel otyny óndirisin arttyrý maqsatynda áýe otynyn óndirý kólemin ózgertýdi qarastyrýyna negizdelgen bolar. Qazirgi ýaqytta QMG jospary áýe otyny óndirisin jetkilikti deńgeide qamtamasyz etýge negizdelgen. Áýe otynynyń jinalǵan qory men tutyný kólemin eskersek, bul ishki naryqtyń suranysyn tolyǵymen óteidi» dep habarlaidy kompaniianyń baspasóz qyzmeti.
Sondyqtan QazMunaiGaz Qazaqstanda áýe otyny tapshylyǵy bolady dep kútpeitinin málim etti.
