QR Ishki ister ministrliginde Otan qorǵaýshy kúni qarsańynda 29 qyzmetkerge memlekettik nagrada tapsyryldy, dep habarlaidy Polisia.kz.
Otan qorǵaýshy kúnin merekeleý qarsańynda el Prezidentiniń Jarlyqtarymen 29 politsei, azamattyq qorǵaý qyzmetkerleri men Ulttyq ulannyń áskeri qyzmetshileri memlekettik nagradalarmen marapattaldy, al bes basshyǵa joǵary ofitserlik ataq berildi.
Memleket basshysynyń atynan nagradalardy Ishki ister ministri Erlan Turǵymbaev tabys etti.
«Bul quqyqtyq tártipti, azamattardyń qaýipsizdigi men tynyshtyǵyn qamtamasyz etetin ishki ister organdarynyń barlyq júiesiniń jumysyna berilgen joǵary baǵa. Sonymen birge negizgi fýnktsiialarmen qatar bizge tótenshe jaǵdai rejimin qamtamasyz etý boiynsha erekshe mindetter júkteldi. Sizder olardy laiyqty oryndap kelesizder», – dedi marapat alǵan qyzmetkerlerge ministr.
Ol kóptegen qyzmetkerler qazir uzaq ýaqyt boiy óz otbasylaryn kórmei, dala jaǵdaiynda ómir súrip jatqanyn atap ótti.
«Bizdiń qyzmetkerler men áskeri qyzmetshilerimizdiń tabandylyǵy, tózimdiligimen qaisarlyǵy tek týǵan-týysqandarynda ǵana emes, elimizdiń turǵyndarynyń da maqtanysh sezimin týdyrady. Biz qoǵamnyń májbúrli shekteýlerge túsinistikpen qaraitynyn jáne bizdiń jumysymyzdy ońbaǵalaitynyn kórip otyrmyz», – dep atap ótti Erlan Turǵymbaev.
Ishki ister organdary men qutqarý qyzmetteriniń qyzmetkerleri ózderiniń qyzmettik jáne azamattyq boryshyn oryndai otyryp, kóbinese ómirlerine qaýip tóngenine qaramastan, apattan qutqarady jáne ómirlik qiyn jaǵdailarda kómek kórsetedi.
Marapattalǵandardyń arasynda adamdardy órtten qutqarǵan politsiia qyzmetkerleri bar. Olar – politsiianyń ýchaskelik inspektorlary Erlan Jańabaev, Azamat Ótegenov, Erbol Amanbaev. Ýchaskelik ispektorlar Qýandyq Súiindikov pen Timýr Balmaǵambetov, anyqtaýshy Marat Nurymbetov muz astyna batyp bara jatqan balalardy qutqardy.
Aǵa inspektor Erkebulan Sapanov kópirden sekirip ketken qyzǵa kómek kórsetti. Marapatalǵan politsiia bólimi basshysynyń orynbasary Qýanysh Shábdenov, órt sóndirý bólimshesiniń komandiri Sergei Mazýr, órt sóndirýshiler Azamat Kópbosynov jáne Ydyrys Baqbergen, politsei júrgizýshi Saǵyndyq Jákenov ómirlerine qaýip tóngenine qaramastan, erlik jasady.
Qazaqstan Respýblikasy Ulttyq ulany áskeri bóliminiń ofitserleri Bolat Qulym men Bolat Rústemov asa qaýipti qylmyskerlerdi ustaý boiynsha arnaiy operatsiiada batyl áreket etti.
Tergeýshi Sholpan Medenova júkti bolǵanyna qaramastan, kóshede baiqalǵan izdeýde júrgen kúdiktini ustap, kriminaldyq politsiia qyzmetkerlerine tapsyrdy. Memlekettik nagradalarmen IIM-niń erekshe kózge túsken ózge de qyzmetkerleri marapattaldy.
«Bul marapattar – sizdiń kásibi eńbegińizdiń baǵasy ǵana emes. Bul-jaýapkershiliktiń jańa deńgeii. Bizge el basshylyǵynyń joǵary senimin aqtaý úshin barlyq bilim men tájiribemizdi jumsaýymyz kerek», – dep qortyndylady Ishki ister ministri.
