Ishki ister ministrligi qazaqstandyq politseilerdiń jańa kiim úlgisiniń jobasyn kópshilik talqysyna usyndy, dep habarlaidy "Ult aqparat" vedomstvonyń baspasóz qyzmetine silteme jasap.
Politseilerdiń jumys kiimi sońǵy ret 2005 jyly ózgergen. Búginde ol zamanaýi talaptarǵa sai kelmeidi.
«Formaǵa qoiylatyn negizgi talaptar - onyń qolailylyǵy, tartymdylyǵy jáne artyq elementterdiń bolmaýy. Kiimderdiń dizainyna, daiyndalýyna qosymsha qarajat talap etilmeidi. Politsiia qyzmetkerleri nysandy kiim-keshekpen kezeń-kezeńimen qamtamasyz etiledi. Ol eskirgen kiimdi aýystyrýǵa bólinetin jyl saiynǵy qarajat esebinen júzege asyrylady», delingen habarlamada.
Ishki ister ministrligi barsha halyqty politseilerdiń jańa kiim úlgisin talqylaýǵa qatysyp, belsendilik tanytýǵa shaqyrady. Kiim úlgilerimen IIM-niń Instagramdaǵy resmi paraqshasynan tanysa alasyzdar.
