QR ishki ister ministrligi ótkizgen tikelei efirde QR Parlamenti Májilisiniń jalpy otyrysynda Ishki ister ministri Erlan Turǵymbaev depýtattardyń nazaryna «Qazaqstan men Ázerbaijan arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» zań jobasyn usynǵany týraly aityldy, dep habarlaidy QazAqparat.
«Bul zań jobasy eki eldiń bir-birimen statistikalyq derekter men aqparat almasýyna, zańsyz kóshi-qon máselelerin sheshýge, qos azamattyqpen kúresýge, tájiribe bólisip, jumysta praktikalyq kómek kórsetýge múmkindik beredi. Sondai-aq, Qazaqstan men Ázerbaijan azamattarynyń quqyqtyq mártebesi anyqtaýdy qarastyrady», - deidi QR IIM resmi ókili Nurdildá Oraz.
Erlan Turǵymbaev qazirgi tańda Qazaqstan men Ázerbaijan arasyndaǵy yntymaqtastyqtyń artqanyn, 2018 jyly jyly Qazaqstanǵa Ázerbaijannan 50 myńǵa jýyq azamat, 2019 jyly – 48 myńnan astam azamat kelgenin, al Qazaqstannan Ázerbaijanǵa 2018 jyly 28 myń, 2019 jyly 29 myń azamat barǵanyn jáne bul sannyń sońǵy ýaqytta azaiýýyna tek pandemiia áser etkenin atap ótken.
«Sondyqtan eki el arasyndaǵy kóshi-qon máseleleri boiynsha yntymaqtastyqtyń áleýeti joǵary. Búgingi tańda, Ishki ister ministrligi budan basqa kóshi-qon salasy boiynsha 23 halyqaralyq kelisimge qol qoiǵan. Halyqaralyq deńgeide taǵy 8 kelisim daiyndalýda», - deidi ol.
