QR Ishki ister ministrligi qarý-jaraq alyp qashyp ketken kishi serjantty ustaýǵa óz kúshin jumyldyrdy. Bul týraly elordada QR IIM Ózindik qaýipsizdik departamentiniń basshysy Arman Sadanov málim etti, dep habarlaidy "Ult aqparat".
«Ishki ister ministrliginiń jedel tergeý toby atalǵan máselege qatysty habarlama túskennen beri tiisti jumystardy atqaryp jatyr», - dedi A. Sadanov baspasóz máslihatynda.
Onyń sózine qaraǵanda, áskeri qyzmet ornyn tastap ketken kishi serjantty ustaý úshin Shymkent qalasy men Túrkistan oblysy politsiia departamentiniń garnizondary, sondai-aq Ulttyq ulan qurylymdary jumyldyryldy.
Budan buryn habarlanǵandai, Shymkent qalasyna taqaý jerdegi áskeri bólimnen kelisimshartpen qyzmet etip jatqan kishi serjant A.Balǵynbai birneshe qarý-jaraq alyp qashyp ketti.
QR Qorǵanys ministrliginiń málimetinshe, Shymkent qalasyna taqaý ornalasqan áýege qarsy qorǵanys áskeri bólimderiniń birinde kelisimshart boiynsha qyzmet etip jatqan kishi serjant A. Balǵynbai rota boiynsha kezekshilikten ruqsatsyz ketip qalǵan. Buǵan qosa, qarý-jaraq saqtaityn bólmeden birneshe atys qarýynyń jetispeitindigi anyqtaldy.
