QR Ishki ister ministri Erlan Turǵymbaev «Nur Otan» partiiasynda azamattardy qabyldady, dep habarlaidy "Ult aqparat".
Ministrmen birge qabyldaýǵa tergeý, jeke qaýipsizdik departamentteriniń basshylary, Nur-Sultan qalalyq politsiia departamenti basshysynyń orynbasary jáne «Nur Otan» partiiasynyń ókilderi qatysty.
Qabyldaýǵa Nur-Sultanda turatyn 50-ge jýyq turǵyn jazyldy. Odan bólek, tikelei beinebailanys arqyly óńirlerden shaǵymdanýshylar habarlasty.
«Men sizge taǵy da júginýge májbúrmin. Tamyz aiynda alaiaqtyq isi jóninde sizdiń jeke qabyldaýyńyzda boldym. Isti eki ret toqtatty. Eki tergeýshi de shyǵarǵan qaýlysy úshin jazalandy. Siz komissiia taǵaiyndadyńyz. Biraq eshqandai tujyrymdama men habarlama alǵan joqpyn. Qansha ýaqyt ótse de, bas tartý túrindegi jaýap alyp kelemin», - dedi Shymkent qalasynan habarlasqan Liliia Ahmetova.
«Sizdiń máseleńiz boiynsha bas prokýratýraǵa eki ret ótinishhat jiberdik. Sizdiń aiǵaqtaryńyz qosymsha tergeýdi qajet etedi. Alaida Bas prokýratýra isti qaraýdan resmi túrde bas tartty. Jazbasha habarlama bar», - dep túsindirdi QR IIM Tergeý departamentiniń basshysy.
Óz kezeginde ministr Bas prokýrordyń atyna ótinish jazýǵa keńes berdi.
«Sizdiń qylmystyq isińiz boiynsha tergeýshiler jazalandy. Barlyq kedergiler joiyldy, tergeý júrgizildi. Sizge endi jeke tulǵa retinde Bas prokýrordyń atyna ótinish jazýdy usynamyn. Men de sizdiń ótinishińizdi qoldaimyn. Bul – tyǵyryqtan shyǵatyn jalǵyz jol, óitkeni bul qaýlynyń kúshin joimai, zań boiynsha tergeý júrgizilmeidi. Shymkenttiń politsiia departamenti aryz jazýǵa jáne ony rásimdeýge kómektesedi», - dedi E. Turǵymbaev.
Qabyldaýǵa politsiia qyzmetkerleriniń áreketine, qylmystyq istiń jabylýyna nemese qylmystyq istiń nátijesine kóńili tolmaý syndy túrli sipatta aryz-shaǵym tústi. Sonymen birge, keshirim suraý nemese jazany aýystyrý, qylmystyq istiń nátijesimen kelispeý, qylmystyq istiń toqtatylýy jóninde ótinishter jazyldy.
