Sýret: Inbusiness.kz
Túrkistanda 2 jáne 4 jastaǵy balalaryn tunshyqtyryp óltirgen áiel 15 jylǵa sottaldy, dep habarlaidy "Ult aqparat" Stan.kz aqparat agenttigine silteme jasap.
31 jastaǵy Bota Hamitqyzy sot barysynda óz kinásin moiyndaǵan. Jáne jaryssóz kezinde jazasyn jeńildetýdi surapty.
"Is boiynsha sottalýshynyń jeńildetetin mán-jailary onyń buryn sotty bolmaǵanyn sot eskerdi. Odan bólek is boiynsha qylmystyq is-áreketin aýyrlatatyn mán-jailardy anyqtaǵan joqpyz", - deidi prokýror Aigúl Bekmyrzaeva.
Bastaýysh synyp muǵaliminiń qylmysqa barý motivi kúieýimen bolǵan janjal deidi sýdia. 15 kún basqa qalada jumys istep, 15 kún demalatyn Hamitqyzynyń joldasy úiine múlde kelmegesin arada janjal týǵan eken. Habarlamadaǵy bul sózder qylmystyq iste tirkelgen. Osylai degen Dáýren Madaliev sottalýshy qylmysty aldyn ala josparlap jasaǵanyn aitady.
"Bota Hamitqyzy qylmysty aldyn ala josparlap jasaǵan. Aldymen 4 jasar qyzyn, sosyn 2 jasar ulyn tunshyqtyryp óltirgen kelinshek sońynda bastapqy sózinen ainyp ketti. Esinde eshteńe qalmaǵanyn aityp, jaýapqa selqos qaraǵan áiel soty alqabiler qatysýymen ótti. Jáne olar jaza merziminiń 15 jyl bolýyna daýys berdi", – deidi Túrkistan oblystyq qylmystyq istep jónindegi aýdanaralyq sotynyń sýdiasy Dáýren Madaliev.
Bota Hamitqyzynyń advokaty sottalýshynyń psihikalyq aýytqýy baryna senimdi. Qazaqshalap aitqanda "ishine jyn kirgen" degen zańger muǵalimniń bergen jaýaptary sát saiyn qubylyp otyrǵanyn aitady. Jáne buǵan deiin bir aiǵa úiinen shyǵyp ketetin kezderi de bolǵan eken.
"Óz jaýabynda qorǵaýymdaǵy azamat qulaǵyna bireýlerdiń "ól, óltir" dep sybyrlaǵanyn aitty. Jáne kózine únemi eles kórinetinin jetkizdi. Balalary da qubyjyq bolyp elestegen deidi. Biz úkimmen kelispeimiz. Apelliatsiiaǵa beremiz", – deidi Ainagúl Rústemova.
Sottaǵy psihikalyq saraptama 31 jastaǵy kelinshektiń aqyl-esi durys degen sheshimge kelgen. Jáne qylmysty jasaǵan ýaqytynda da eshqandai affekt jaǵdaiynda bolmapty. Aita keteiik, jýyrda kámelet jasyna tolmaǵandardy óltirgen qylmyskerler 20 jyldan ómir boiyna deiin bas bostandyǵynan aiyrylady degen zań kúshine engen. Biraq bul ózgeris Túrkistandaǵy jantúrshigerlik qylmystan keiin engizildi.
Sondyqtan eki balasyn tunshyqtyryp óltirgen qyzylordalyq kelinshekke mundai aýyr jaza berilgen joq.
Eske sala keteiik, 7 aqpanda Túrkistannyń jaldamaly páterleriniń birinen eki jas balanyń denesi tabyldy. Keibir málimetter boiynsha olardy anasy jastyqpen tunshyqtyryp óltirgen. Ol balalaryn óltireiin dep jatqanyn jaqyndaryna aitqan.
