Foto: Polisia.kz
Aqtóbe – Almaty baǵytyndaǵy áýe reisinde eki jolaýshy masań kúide qoǵamdyq tártipti buzǵany úshin ushaqtan túsirildi, dep habarlaidy Polisia.kz.
Kóliktegi politsiia departamentiniń málimetinshe, jyl basynan beri áýe kemelerinde 508 quqyq buzýshylyq tirkelgen. Eń jii kezdesetin zań buzýshylyqtar:
alkogoldik ishimdikter ishý jáne qoǵamdyq oryndarda mas kúiinde júrý – 313 fakt,
ushaq bortynda temeki shegý – 131 fakt,
usaq buzaqylyq – 32 fakt,
basqa da quqyq buzýshylyqtar.
Aqtóbe áýejaiynda bolǵan oqiǵada reiske tirkeý kezinde 33 jáne 51 jastaǵy eki Almaty turǵyny masań kúide bolyp, agressivti minez tanytyp, balaǵat sózder aitqany anyqtaldy. Kóliktegi politsiia olardy qoǵamdyq tártipti buzǵany jáne usaq buzaqylyq úshin jaýapkershilikke tartty. Usaq buzaqylyq boiynsha materialdar sheshim qabyldaý úshin sotqa joldandy.
Kóliktegi politsiia azamattardy áýe kemelerinde jáne qoǵamdyq oryndarda tártip erejelerin buzbaýǵa shaqyrady.
